男乘客被這突如其來的小孩一問嚇住，正想問佢乜野事，
悅已經自顧自搶著說 "我今年四歲，我最鐘意摺紙飛機，你呢?"
男乘客抬起頭想尋找孩子的家長，悅突然用他的小胖手捉緊男乘客的手臂，一股微溫傳到男乘客手臂上，感覺親切。
悅再次稚嫩的催促在問 "你鐘意做啲乜嘢呀，哥哥?"
男乘客被這個小孩問題攝住，記起小時候想揸的士，上咗小學就想揸飛機，大學以Honour畢業，以為大把世界。結果出左社會之後，人浮於事，漸漸把理想一點一滴融掉於朝九晚五的生活中。
每日返工放工都係同一班巴士，
每日碰口碰臉同一班乘客都係一臉倦容。。
情況有啲似小王子裡面嘅點燈工人，每日只係點燈同關燈。
男乘客不禁想 "係呢，究竟我真正想做啲乜呢?"
No comments:
Post a Comment