St. Morits @ Darling Harbour

和朋友去Darling Harbour食飯
之後試咗呢間Chocolate shop
研究九型人格

最主要想試Churro (西班牙Donut)
可惜只係一般

記得以前迷戀星相學時
當時係長洲明暉營宿營
一早起床、落雨
睇星相書又係呢位朋友係到
轉眼就咁多年
我地都無進步過...

Sydney Aquarium 水族館

西母約咗我地一家去水族館
悅兒和小姐姐超....超超超超開心
無停過

入口售票姐姐好靚女

美人魚真身: Dugong
餵緊Dugong (好大條)

旁邊係水底隧道

Underneath



大海龜


悅兒見鯊魚游近仲眼定定

Gardening

同悅兒一齊清理後園
突然悅兒見到個蜘蛛網係佢旁邊
(本來透明睇唔到)
於是佢好驚向後退咗兩步
(細個嘅時候佢會怕塑膠玩具魚而打冷顫)

為咗避免悅兒長大怕蜘蛛
於是我將一些杜鵑花瓣依附係蜘蛛網上
悅兒又覺得好玩又笑番

隔離屋棵柏樹冬天落葉
攪到個泳池浮住好多啡色嘅柏樹葉枝
今次最主要係將佢地撈起


其實放大後園其中一小角
每一樣嘢都好美麗

大紅茶花

松樹樹皮

松樹會係斷臂處長期溢出一啲香油
聞說有寧神作用
但係我覺得用松樹枝燒飯一定好香

雞竇

早陣子西母說要係後園養雞
我問佢係素食主意者
(都食雞蛋及個別海鮮)
點解要養雞?
佢話佢想食新鮮雞蛋喎 ...

令我諗起佢個女話只食走地雞蛋(Free Range Egg)
我地中國人食走地雞係因為好食啲
而佢嘅原因係可憐啲雞仔生活困促
講嘅時候差唔多要流眼淚..

佢地無見過香港嘅板隔房
我諗如果唔係佢會為好多香港人哭泣...

說回雞籠
話說西母要買chook pen養雞
當時唔知係乜
大概知道係雞籠
(當時聯想到香港街市d鐵雞籠)

後來佢話太貴暫時唔買
咁我諗一個雞籠可以有幾貴?
定係我又會錯意(呢種情況時有發生)

於是上eBay查價錢
結果侊然大悟

~AU 260

原來澳洲嘅雞係住得咁豪
個pen係解Pen house (複式)

係澳洲
雞都有人權
住洋房、養番貓
(佢屋企養貓)

Blue Mountain 蒸氣火車頭

係雜誌見到呢個廣告
十九世紀蒸氣火車頭

等多一年
我諗悅兒會好鐘意呢個旅程

時間表及車費

成人來回AU$ 28
小童來回AU$ 14
五歲以下免費

九型人格測試

九型人格測試:
http://www.bt4u.com/calls/analysis/analysis4.jsp

2、博愛型

顧名思義，你很喜歡幫人，而且主動，慷慨大方！雖然你對別人的需要很敏銳，但卻很多時忽略了自己的需要。在你來說，滿足別人的需要比滿足自己的需要更重要，所以你很少向人提出請求。這樣說來，你的自我並不強，很多時要靠幫助別人去肯定自己。

自豪、驕傲
第二型的你，是否覺得這個形容很不貼切？覺得很驚奇？其實，一向表現得助人為快樂之本的你，是通過熱心幫助人去肯定自己，要朋友接納欣賞自己。所以當有朋友找你們幫助，你自是開心不已，也會有自豪和驕傲之感，因為在過程中你得到肯定和滿足。

佔有、控制
正因為幫人得到這麼多的滿足，你們很想繼續這樣的關下去，這個很正常！可是，當你們「投資」下越多時間和心力，你希望得到的回報更多。很有可能，你們會很希望朋友會很「attach」你，甚至是只「attach」你一個，事事對你說，跟你分享。這便反映在你內心的佔有慾，若然朋友非這樣對你，便會很失望，覺得他們背叛了你。甚或，你可能會對他們施加壓力，以控制他們。
這裡當然不是說每個第二型都是這樣子，但當我們狀態不佳，心情不太好時，的確有機會出現以上傾向。多點留意自己的情緒反應，有助控制及改善！

心情high high時
人的情緒總有起有落，助人型在心情high high時會很樂於助人、感情投入、將心比心，且能照顧別人的需要。正因為他們不計成本付出，他們會有很多交心的朋友！

他們需要被需要的感覺，所以到處發掘用得上他們的地方。所以跟這類人交朋友實在「著數」，因為無論你有什麼需要，這些助人型的朋友都會傾盡全力去幫你！

助人型們，在傾力助人之餘，有否想到自己也有需要別人幫手的地方？

情緒down down時
若助人型助人之心過份極端，會予人好管閑事之感。他們需要被需要的感覺，所以希望別人告訴他們每一件事情，並期待他允許和忠告，又想別人去依賴他們。雖說朋友是互相幫助，但過份的關愛實在是沒有必要，朋友也未必會欣賞的！

朋友看你是
熱心，為他人著想，「yes boy/girl」，永不sayno!，有時好煩，多事

提升有時努力努力
走向「四仔」，能為自己的心願堅持到底。

後退有時注意注意
會跌向「八仔」，橫蠻無理，自大，任性，將自己的主意強加於他人身上。

回港遙遙無期

有天想帶悅兒回港走走
於是乎老婆叫我帶悅兒去茶餐廳一轉食飯
結果忙著餵悅兒、食飽又要出去
簡直係食得唔安樂

終於
我決定大幅度推遲悅兒的回港期

愛在地球毀滅時

P: 如果世界有一日只有你同我。。

J: 如果真係有咁既一日, 我諗我地要儲定d碎銀喇...

我諗呢個世界上好少人睇得明呢段對話....

稚音

悅兒近排學識講三個字:

「知道嗎?」 (普通話)

聽到之後我心裡面都甜咗一甜 :)

十字路口

工作上又到咗樽頸位
坐咗係到都唔知下一步點做

於是乎又搵番隻Cast Away出嚟睇
呢隻十蚊VCD真係抵到爛

...

有時候
自己迷失咗
係要靠其他人、更加多時間去發現自己嘅迷失

'You seems you are lost'

Melody

After watching it all again these years,
Yes, "I just don't understand", Melody

1979

好難得買到想要嘅嘢
雖然我知道唔會飲
(亦都唔知仲飲唔飲得)

可能留番係世界末日嗰一日

悅兒又有新玩具

Toys r us年中減價
電動電單車只賣$69

再買多個小沙發俾悅兒
可以一齊睇電視
Myers $35

傳說中可以俾七個細佬一齊玩嘅玩具:
(我諗係呢個年代生七個仔女一定要好有愛心)

三合一嘅桌上遊戲
pool table, table tennis & air hockey

中英語Mix

有個朋友講咗個笑話俾我知
佢話有個5歲ABC姪女有日無著上身衫
之後佢阿媽提醒佢

阿媽: "Do you remember what mum told you what will happen?"
阿女: "Oh nope, people will 強姦 me" (個樣真係好驚)

呢種唔中唔英嘅對話
我諗好快就會係悅兒身上出現

又係iphone

西母個女又係用iphone
佢都整爛咗個LCD Screen
好大嘅龜裂痕

之後就醒起係eBay有iPhone LCD Screen賣
我諗佢只係爛咗個touch screen digitizer(面) US$10
應該無爛到個胆 US$30

雖然網上面有好多video教點整
但係我諗佢唔會試 -_-a

另一個妹

西母有一個女
我從佢六歲揹佢去睇畫劇
到宜家入大學
轉眼就十數個寒暑

十年前我話要等佢十八歲就溝咗佢
我老婆話聽我講咗呢個十年計畫
一講就噏咗十年
從來無認真諗過會有十年後 -_-a

宜家每次見到佢就覺得自己青春不再
好難想像眼前人係十年前嘅洋娃娃
仲要同番我個仔玩...

佢考HSC好高分(97)
但係就揀咗Fine Art
然後覺得無乜興趣
又走咗去讀Interior Design
最近又話唔鐘意計數
想放半年假去旅行
佢cousins都去印度、古巴backpack
佢阿媽廿年前都一個女仔去印度
所以我提議佢去復活島
應該會啱佢地去云云..

我諗係亞洲人家庭
好難想像會俾子女咁樣做

探親

病咗成個月
終於可以落床探西人阿媽
近排後園棵檸檬樹大豐收
有成300個檸檬
外父叫我盡量派出去俾同事朋友

所以今日都帶咗成袋檸檬去

本來想出去買花
但係既然有新鮮嘅自然最好
而且亦免咗好似特登送禮
攪到佢又要玩回禮就唔好意思

咁啱天堂鳥又開花
老婆就叫我剪啲去
插起咗都幾靚

當然仲有我嘅玫瑰芝麻糕
佢地兩母女都好喜歡
可能西人好少食呢類中式糕點

最開心係悅兒
係後園無停過
將人地個Gym Ball滾嚟滾去
又學人摸貓貓
餵貓貓
之後又帶咗去公園逛

今日天氣真係好
一洗頹氣

黑芝麻玫瑰

跟住Melbourne阿姨嘅食譜整
係網上面order咗啲Silicone模
點知寄到嚟先知道只有手指公size
用咗一半份量都蒸咗48朵
(分咗4次蒸)

悅兒的大整古

阿姨話佢中午去露台掠衫
點知悅兒撥咗個鎖頭
阿姨就被悅兒反鎖係天寒地凍嘅露台

阿姨就急死了在外面
沒手提、沒人經過

而根據阿姨嘅講法
悅兒亦知自己闖禍
在屋子裡面也開始急起來

阿姨就指著門鎖
悅兒又會意去嘗試去開
開咗幾次都不得要領
每次開唔到就攤開雙手示意開唔到

兩個人都急了
擾攘咗五分鐘先至幸運地俾悅兒開到
...