食手指

悅兒最大嘅壞習慣係食手指
一有機會就伸手入口
快到好似無影手咁
想阻止都黎唔切
仲要露出"好得戚"嘅表情

於是乎我諗咗用檸檬汁塗係佢雙手嘅方法
悅兒一伸隻手入個口
咪起哂嘴臉
之後趕緊抽番隻手出黎
面色凝重
好似諗緊點解自己隻手唔同咗?

之後悅兒又試咗幾次
我又每次乘機補番檸檬汁上佢隻手
如是者試咗數回
悅兒知道係我出古惑
於是一往無悔將佢雙手恨恨地送入口裡
忍住開頭嘅酸味係咁啜
由於佢知道如果唔攞返隻手出黎
啜啜吓佢就無味
我又無機會補檸檬汁

最後佢又用好"得戚"嘅笑容
啜住手望住我 ...

-_-a

親愛的悅兒:

如果你三歲都戒唔到食手指
你父親將會改用Mustard塗係你手上

.\_/.v