夢。轉工

連發夢都係到轉工
奇怪係遞咗辭職信都仲返工
又未搵到新工

果然夢境都係不切實際。。

不平事

有時候心裡面會好難過
雖然不想刻意比較
但任憑你後天多麼努力
當想做一件事情時
永遠不及別人般容易
可以毫無後顧之憂

賈島《劍客》(唐)
十年磨一劍
霜刃未嘗試
今日把試君
誰有不平事?

另一半

自從身邊的朋友都成家立室後
(除了有個問咗我五年應唔應該結婚之外)
身邊的話題開始圍繞BB嘢
邊間醫院生好、煲乜嘢湯水好、有無媬母介紹etc

與此同時
同朋友講說話時不禁收儉不少
最大原因係我知道告訴朋友A
亦都等如告訴朋友A的老婆知
感覺上好似多了一層紗。。

加班

放假後，進入加班補時階段
本來11pm韓國仔話要番屋企
話第二日先做
點知東歐牛牛一句話
"Easy 好快就攪掂"
佢地幾條友就咁樣硬生生坐到5am
-_-a
結果牛牛守承諾送韓國仔返佢山區屋企

當然我嘅工作本來5am都完唔到
但係人老了
捱唔到頂

回家路上
想起我同我阿哥嘅一番對話
佢問我做緊乜嘢工
我話有時我會通頂
佢顯得有啲不可相信。。

雖然都知道會通頂
但係當發生的時候
感覺還是不甚良好。。

長輩

有時候聽到一些久未碰面的長輩消息
知道他們的近況不是很好時
心裡面是有點難過及同情
但更多的是害怕
就像亦舒寫的小說情節般
不禁心裡面會害怕將來有同一命運
或暗暗慶幸沒有走上同一條路

誠品

係台北
由於老婆對書本興趣一般
所以和老婆分開自由行
我自己一個到誠品旗艦店
書籍的總類很齊全
並不像香港書局的只有某幾類書

見到整排歷史總論書籍時
我差點以為自己走唔出呢間書店。。

門口有一些攪笑作品
呢一本係模擬關公挖骨膫傷時
極度疼痛之下捏深咗佢手指公係本春秋之上:

之後係當年華盛頓砍了櫻桃樹後
向佢阿爸say sorry嘅道歉信 :

臨走打俾老婆
佢問我點解聲音變得悲傷
可能猜想我又俾人笑我啲國語唔正
但係其實我係覺得依依不捨
臨出門口仲要見到藝術書。。

簡直係悲從中來
結果都係抄底書名
番澳洲之後上誠品網站訂購

台北: 圓山飯店

聖誕馬不停蹄地和老婆去了台灣旅行

逛了一圈和我心目中不大相似的花博展覽
可能我比較喜歡Canberra的露天、現兜兜的花海

結果打的上了園山飯店吃了一頓飯
試了人稱宋美齡御用紅豆鬆糕

小籠包皮薄多汁、很有肉味
比X泰豐的好吃
我阿頭見到一定會喜歡
(他形容小籠包為Dumpling inside with soup)

離開的時間才知道大堂的黑衣人都是馬英九先生的食蕉
果然陣容頂盛