怪夢

我都唔記得連續番咗幾多日工，好攞命。。

尋晚發咗個怪夢，好似電影橋段咁。夢見係一個大商塲入面，有間珠寶店，有個有錢佬搵老婆，叫咗一男一女職員企係珠寶店門口，手裡面揸住一對鑽石介指，我行過睇到都覺得好Q大粒。

又走一件

今個星期又走一件。。

怪不得係一個月前出咗bonus俾每一個人，有成兩個月糧。。唔怪得咁好死。。

一返工，又走一件，又係新人。

名單

唔知點解大老闆尋日msn要工作進度。。

我可能係炒魷魚名單上面佔咗一席。。

撒鹽的人

年紀大了，
係時候要牢記住邊個會係我背後捅一刀嘅人，
邊個會係我傷口上撒鹽的人，
又有邊個會係飢寒時為我加衣送食。。

而我發覺往往捅我一刀嘅唔係別人，而係自己！

Ps 自從星期日整完草地之後，我成個嗆哂。。第陣殺人時埋屍都唔好自己挖崛，真係好甘。。都係嗰句：共勉之

我幻想

我幻想我係一隻青蛙，
係濕潤的草地上笨拙地亂咁跳，
突然係高深的草叢中探出一顆頭臚，
灰暗的黑影中透出一雙深邃的眼晴。

我跋起四支慌忙逃逸，
但後面繼續傳來粗獷的呼吸聲。
我持續亂咁跳，
兩眼骨碌碌打量四周環境，
渴望逃出生天，
但後面的亦步亦趨，
越來越接近。。。

這時候不禁想心靈感應問你一樣野：
狗食青蛙嘅咩？

仲有你睇到第幾句知道呢篇野係講緊你？:)

熱

今日好熱，
焗到好似着咗層熱空氣衫咁、簡直似游緊熱水池咁。。

Lunch於是游咗去office對面街Museum嘆冷氣，
入咗去間黑房睇咗套7mins片，
點知中途隔離個女人無神神笑套片幼稚。。

我個人覺得佢好唔尊重個artist囉!!

。。仲要嘈醒我訓覺添!

三千大千世界

有日我個仔問我佢手上面嘅Lego係乜野做架？

我話三十歲前見山是山、見水是水，
三十歲見山也是水、見水也是山，
子是汝、汝是子，萬物本皆為一。

我個仔答話
「佛曰：世界內有萬物，
每一小千世界內有一千個如此世界，
每一中千世界內有三千小千世界，
大千世界內有三千中千世界，
如此般大千世界有三千。

佛看世人如我地望住螞蟻盲目係地上爬、
又如望住海勾為食物而同類相爭般可笑。」

我答：無神內面嘅三千大千世界刀？

突然醒起我個仔未出世。。睇黎佢會有好多野教番我 :)